BANDO
Dona INÉs SANTOS PEREIRO, alcaldesa en funcións do Concello de TORDOIA (A Coruña)
FAI SABER
Que pola Orde do 14 de marzo de 2018, da Consellería de Infraestructuras e Vivenda, se aproban as bases reguladoras das subvencións do Programa de instalación de ascensores e outros dispositivos de accesibilidade en edificios de tipoloxía residencial colectiva, nas súas vivendas dúplex e en vivendas unifamiliares, e se procede á súa convocatoria para o ano 2018, con carácter plurianual (DOG no 60 do 26/3/2018)
Actuacións subvencionables: A instalación de ascensores, de elevadores, de salvaescaleiras e demais dispositivos de accesibilidade en edificios de tipoloxía residencial colectiva, nas súas vivendas dúplex e en vivendas unifamiliares que carezan deles. O prazo de execución das actuacións non poderá ser superior a doce meses, contados desde o día seguinte ao da notificación da resolución de concesión.
Persoas beneficiarias: As comunidades de persoas propietarias, as persoas físicas propietarias únicas de edificios de vivendas, as persoas físicas propietarias dun dúplex nun edificio de tipoloxía residencial colectiva e as persoas físicas propietarias dunha vivenda unifamiliar. Considerarase como persoa propietaria única do edificio a persoa física titular do pleno dominio do edificio. As persoas propietarias de dúplex ou de vivendas familiares deberán residir na vivenda para a que se solicita a subvención, o que se acreditará co certificado de empadroamento.
Contía das subvencións: A contía será en tódolos casos do 60% do gasto subvencionable, sen que poida exceder dos seguintes limites: Para as edificacións e vivendas que non estean situadas en ámbitos históricos e dos camiños de Santiago:
- Vivendas unifamiliares e dúplex: 2.500 €.
- Edificios de tipoloxía residencial colectiva con 8 vivendas ou menos: 25.000 €.
- Edificios de tipoloxía residencial colectiva con máis de 8 vivendas: 18.000€.
Cando a actuación consista na instalación dun salvaescaleiras: 1.000 €, en caso de salvaescaleiras de cadeira, e os 2.000 €, en caso de salvaescaleiras de plataforma
Lugar de presentación: https: sede. xunta.gal ou no IGVS.
Prazo de presentación: ate 0 30 de maio de 2018 e, en todo caso, no momento do esgotamento do crédito orzamentario, o que será publicado no DOG.
Tordoia , a 16 de abril de 2018