No día de hoxe, máis de 800 persoas reuníronse para celebrar a cita anual da festa dedicada á Terceira Idade, na chaira situada á beira do campo de fútbol da Rega en Pontepedra.
Tras celebrarse a misa e antes da sesión vermouth, o rexedor Antonio Pereiro, tivo unhas palabras de agradecemento para todos os asistententes, así como un especial recordo cara a todos os maiores que por diversos motivos non puideron asistir.
Posteriormente fixo entrega da placa conmemorativa aos asistentes maiores de 90 anos. Tras a comida, o Trío Alborada amenizou a tarde con boa música que animou a moitos dos asistentes para bailar.
